Leaderboard Ad

കടല്‍പ്പാട്ട്

0

തിരകളും ചുഴികളും ആഴങ്ങളും
സ്നേഹത്തോടെ നോക്കുന്നുണ്ടാവും
ഇക്കിളികൂട്ടി നടന്ന ഒരു മീന്‍കുഞ്ഞിനെ
ഇപ്പൊ കാണാനില്ലല്ലോ
കരികല്ലുകള്‍ക്കിടലൂടെയും
കടല്‍പ്പൂക്കള്‍ക്കിടയിലും
ഒരു കാറ്റു കിതച്ചു നടന്നു..
വാലിന്‍റെ തുമ്പോളം വരച്ചുവച്ച
മഴവില്ലുകള്‍ വാനില്‍ തേടിപ്പോയി
കടലമ്മയുടെ കരഞ്ഞ കണ്ണുകള്‍..
തീരത്തെ കഥകള്‍
ചെതുമ്പലിനിടയിലൊളിപ്പിച്ച്കൊണ്ടുവരാന്‍
മീന്‍കുഞ്ഞു വൈകുന്നതോര്‍ത്ത്
ചിപ്പിക്കുള്ളിലൊരു മുത്തു വിതുമ്പി..
കടലും തീരവും കടന്ന്
കുരുന്നുവികൃതിയുടെ കുഞ്ഞിത്തോര്‍ത്തിലെ
വലിയ കൌതുകത്തിന്നിത്തിരിവെള്ളത്തില്‍
ആകാശം നോക്കി നൃത്തം ചെയ്യുന്ന പ്രിയമത്സ്യമേ
നിന്‍റെ പാട്ടിലെ വരികളിലൊരു
കടല്‍ തേങ്ങിയോ ?

Share.

About Author

140q, 0.600s